ابتسم فأنت في غزة

إبتسم فأنت في غزة.

..شو حلوة يا بلدي...شو حلوة ياعادات بلدي
إذا بيوم من الأيام حضرت عرس ..ونزلت الشباب عالدبكة وبلش العرق يزرب...وحميت مع أبواسماعين (رقيب متقاعد) وسحب الكلاشنكوف وطررررررر...بلش طخ عن جنب وطرف وهو برقص وبدبك...
وسقط ثلاث شهداء من جراء القصف العشوائي ....ابتسم أنت في غزة..انت بتحضر عرس بغزة.
إذا تجوزت ...والناس واقفيتلك عالمسطرة وكل الناس ..واحد واحد بيجيبلك امباركات
منهم اللي
جيبلك طقم فناجين قهوة...ياصينية...وبالآخر بتحوشلك سبعطعش طقم قهوة وحدعش صينية واستنا مناسبات عشان ترجعها لصحابها...بتكون بتمارس واجباتك الاجتماعية في غزة...ابتسم...
إذا فتت إنت ومرتك أو خطيبتك أو صاحبك على قهوة وأجتك المنيو...
القهوة 3 شيكل..الميلك شيك أبوفراولة 6شيكل..وحضرتك طلبتهم..شو 9 شيكل..ولا إشي..
ولما أجت الفاتورة ولا هي بقدرة قادر خمستعشر شيكل ...كيف ما بتعرف...
ابتسم ...أنت بتمارس الرفاهية في مطاعم غزة....
إذا كنت قاعد على مكتبك بوظيفتك...وكل المراجعين اللي أجوك طلعوا يا قرايبك يا نسايبك يا مخاولك (سام هاو) وكل واحد الا بيسألك بتعرف فلان الفلاني...هذا إبن عم جدتها لبنت عم مرة أخوي اللزم...هاتلك بوسة يا زلمه...اممممموا...امممممممممممموا .ابتسم فأنت في غزة.

إذا كنت بصلاة الجمعة...كلك إيمان وخشوع بعد الخطبة المؤثرة..والإمام صوته ما شاء الله..بيدغدغ القلوب...وأول ما يسلم الإيمان وخلصت الصلاة سمعت :
أحمر يا زر البندورة...بخمسة شيكل البوكسه بخمسة شيكل
أصابيع البوبو يا خياااااااااااااااااااااااااااار...أربعه كيلو بخمسة شيكل...يالله يالله
عالسكين يا بطيييييييييييييييييييييييخ....أحمر أحمر يا بو قرعه...ابتسم وابتسم وخلي طواحينك يبينو...إنت على باب جامع

يسلمووو اديكي على الموضوع الروعه

الله يعيطكي العافيه يارب

تحياتي الك

بارك الله لك سوسو الاحزان