أيامنا والليالي كم نعاتبهاشبنا وشابت وعفنا بعض الاحوالي
تاعد مواعيد والجاهل مكذبهاواللي عرف حدّها من همها سالي
إن اقبلت يوم ما تصفي مشاربهاتقفي وتقبل وما دامت على حالي
في كل يوم ٍ تورينا عجايبهاواليوم الاول تراه أحسن من التالي
أيام في غلبها وايام نغلبهاوايام فيها سوا والدهر ميّالي
جربت الايام ومثلي من يجربهاتجريب عاقل وذاق المر والحالي
نضحك مع الناس والدنيا نلاعبهانمشي مع الفي طوع ٍ حيث ما مالي
كم من علوم ٍ وكم آداب نكسبهاوالشعر مازون مثقال ٍ بمثقالي
أعرف حروف الهجا بالرمز واكتبهاعاقل ومجنون حاوي كل الاشكالي
لكنّ حظي ردي والروح متعبهاما فادني حسن تأديبي مع امثالي
إن جيت أبي حاجة ٍ عزّت مطالبهاالعفو ما واحد ٍ في الناس يا والي
قوم ٍ ليا جيتهم رفّت شواربهابالضحك وقلوبها فيها الردا كالي
وقوم ٍ ليا جيتها صكّت حواجبهاوابدت لي البغض في مقفاي واقبالي
ما كنّي إلا مسوي حال مغضبهاوالكل في عشرته ماكر ودجّالي
يا حيف تخفي أمورٍ كنت حاسبهاواللي على بالهم كله على بالي
الجار جافي وكم قومٍ محاربهاوالأهل واصحابنا والدون والعالي
والروح وش عذرها في ترك واجبهاراح الحسب والنسب في جمع الاموالي
نفسي تبي العز والحاجات تغصبهاترمي بها بين أجاويد وانذالِي
المال يحيي عظام ٍ لا حياة ابهاكالسيل يحيي الهشيم الدمدم البالي
عفت المنازل وروحي يوم اجنّبهامنها غنيمة وعنها البعد أولالي
لا خير في ديرة ٍ يشقى العزيز ابهايمشي مع الناس في همٍ وإذلالِ
دارٍ بها الخوف دومٍ ما يغايبهاوالجوع فيها ومعها بعض الاحوالي
جوعى سراحينها شبعى ثعاليهاالكلب والهر يقدم كل ريبالي
عز الفتى راس ماله من مكاسبهايا مرتضي الهون لا عزٍ ولا مالي
ذللت بالروح لين ارخصت جانبهاوانا عتيبي عريب الجد والخالي
قومٍ تدوس الأفاعي مع عقاربهاوإلها عزايم تهدّ الشامخ العالي
خل المنازل وقل للبين يندبهايبكي عليها بدمع العين هطالي
لا تعمر الدار والقالات تخربهابيع الردا بالخسارة واشتر الغالي
ما ضاقت الأرض وانسدت مذاهبهافيها السعة والمراجل والتفّتالي
دارٍ بدار وجيرانٍ نقاربهاوأرضٍ بأرض وأطلال ٍ بأطلالي
والناس اجانيب لين انك تصاحبهاوتكون منهم كما قالوا بالامثالي
الأرض لله نمشي في مناكبهاوالله قدّر لنا أرزاق وآجالي
حث المطايا وشرّقها وغرّبهاواقطع بها كل فج ٍ دارس ٍ خالي
واطعن نحور الفيافي في ترايبهاوابعد عن الهم تمسي خالي البالي
في كل عمليّةٍ تقطع براكبهافدافد البيد درهام ٍ وزرفالي
تبعدك عن دار قومٍ ودارٍ تقرّبهاواختر لنفسك للمنزال منزالي
لومت في ديرةٍ يجفاك صاحبهاكم ذا الجفا والتجافي والتّعلالي
دوس المخاطر ولا تخشى عواقبهاالموت واحد وبعد العز يجلالي
إن المنايا إذا مدّت مخالبهاتدركّ لو كنت في جو السماء العالي
ما قرّت الأسود في عالي مراقبهاتسعى على الرزق ما حنّت للاشبالي
والشمس في برجها والغيم يحجبهاتقفي وتقبل لها في الفلك مجدالي
موضوع: من احلى الليالى 
الإثنين مارس 03, 2008 6:08 pm
