ست ركبت اتوبيس وهى شايلة ابنها الصغير، جت تدفع التذكرة الكمسارى اتخض أول مابص للولد
وقال: اللهم احفظناانا عمرى ما شفت عيل وحش كدة، غطيه يا ست حرام عليكى!
الست زعلت قوى، وقعدت فى كرسيها تعيط بحرقة، الراجل اللى جنبها سألها: مالك يا مدام، بتعيطى ليه؟
الكمسارى ده ماعندوش دم، قل أدبه علي وانا خفت أرد عليه
تخافى تردى ليه؟ الاتوبيس ما فيهوش رجالة؟ردى عليه ولو فتح بقه بكلمة نخرشمه
عندك حق، أنا حأروح أبهدل كرامته
عداكى العيب، شيلينى النسناس بتاعك بقى علشان تعرفى تتخانقى براحتك
كان فيه ولد كل يوم يروح عند محل الكيك ويقول للطباخ عندكم كيكة طماطم ؟
ويقوله الطباخ : " لا "
و فى اليوم اللى بعده يروح يسأل نفس السؤال عندكم كيكة طماطم ؟
و يقوله الطباخ لا
في الأخر ارف منه الطباخ وقال خليني أعمله كيكة طماطم وارتاح منه !
ولما جاء الولد وسأله نفس السؤال .. قال له الطباخ : " نعم .. عندنا كيكة طماطم "
رد عليه الولد وقال :" يععععععع .. انتو ازاي بتكلوها؟؟؟؟
وحده جوزها من اسبوعين
مرجعش البيت
فأخذت ابنها الصغير وراحت قسم البوليس علشان تبلغ
فقال لها الضابط اعطيني مواصفات جوزك
فقالت: أبيض ..طويل ..عيونه خضر ..أشقر ..أمور!
قام ابنها قطع عليها الكلام ( يا ماما ده مش بابا )
فقالته اسكت..ممكن يجيبو واحد أحلى منه
واحد كان بيدور على مطعم نظيف، لقى محل مكتوب عليه (حاربنا الذباب) فراح داخل وأول ما جه الأكل تجمع الذباب عليه فقال للجرسون: بتقولو حاربنا الذباب وطلع كل الذبابا ده منين الجرسون: احنا حاربنا الذباب بس هو فاز علينا
واحد قاعد في خمارة لقى اتنين مساطيل بيكلموا بعض
- انت ساكن فين
- في مدينة نصر
- معقولة؟ وانا كمان .. فين في مدينة نصر؟
- في المنطقة الأولى شارع النصر
- الله وأنا كمان، في عمارة كام؟
- شقة 35
- لأ مش ممكن ، وانا كمان
الراجل هيتجنن، سأل الجرسون ايه الحكاية؟
- متاخدش ف بالك دول واحد وأبوه بيسكروا هنا كل يوم
موضوع: نكته روعه 
الخميس فبراير 14, 2008 8:01 am
